Tamil News Live Today: குடியரசு தின விழா… இன்று இந்தியா

இந்தியாவில் நாளை குடியரசு தின விழா கொண்டாடப்பட உள்ள நிலையில், டெல்லி குடியரசு தின விழா நிகழ்ச்சியில் சிறப்பு விருந்தினராக பங்கேற்க பிரான்ஸ் நாட்டின் அதிபர் இமானுவேல் மேக்ரானுக்கு அழைப்பு விடுக்கப்பட்டு இருந்தது. இந்நிலையில் இரண்டு நாள் இந்திய பயணமாக இமானுவேல் மேக்ரான் இன்று இந்தியா வருகிறார். ராஜஸ்தான் மாநிலத்தில் உள்ள ஜெய்ப்பூரில் பிரதமர் மோடியை அவர் சந்திக்கிறார். பின்னர் அங்கிருந்து வரலாற்று முக்கியத்துவம் வாய்ந்த இடங்களுக்கு இருவரும் பயணிக்க உள்ளனர். அதன் பின்னர் இன்று இரவு டெல்லி செல்கிறார்கள். அங்கு நாளை குடியரசு தின விழாவில் பங்கேற்பதோடு குடியரசு தலைவர் அளிக்கும் தேநீர் விருந்திலும் பங்கேற்ற உள்ளார்.