காரில் சடலமாக மீட்கப்பட்ட பிரபல நடிகர்!… மதுவுக்கு அடிமையான அவலம்!

கேரள மாநிலம் கோட்டயம் பகுதியில் காரில் இருந்து பிரபல மலையாள நடிகர் வினோத் தாமஸ் சடலமாக மீட்கப்பட்ட சம்பவம் அதிர்ச்சியை ஏற்படுத்தியுள்ளது.

மலையாள திரையுலகில் புகழ்பெற்ற நடிகராக வலம் வந்தவர் வினோத் தாமஸ். கேரளாவை சேர்ந்த இவர், அய்யப்பனும் கோஷியும், நாதொலி ஒரு சிறிய மீனல்ல உள்ளிட்ட படங்களில் நடித்து பிரபலமானவர். மதுப்பழக்கத்துக்கு அடிமையான இவர், நேற்று காலை கோட்டயத்தில் உள்ள மதுபான விடுதிக்கு சென்றுள்ளார். அளவுக்கு அதிகமாக மது குடித்த நிலையில் வீட்டிற்கு திரும்ப எண்ணிய அவர், தன் காரில் ஏறியதும் மயங்கி விழுந்ததாக கூறப்படுகிறது.

இதையடுத்து, மதுபான விடுதியில் நீண்ட நேரமாக நின்ற காரில், ஒருவர் இருப்பது குறித்து போலீசாருக்கு தகவல் அளிக்கப்பட்டது. இதையடுத்து, விரைந்து வந்த போலீசார், வினோத்தை மீட்டு அருகில் உள்ள மருத்துவமனைக்கு எடுத்துச் சென்றனர். அவர் ஏற்கனவே உயிரிழந்ததாக மருத்துவர்கள் தெரிவித்தனர். இதையடுத்து, இவரது மரணம் குறித்து போலீசார் விசாரித்து வருகின்றனர். இருப்பினும், பிரபலமான நடிகர் காரில் இருந்து சடலமாக மீட்கப்பட்ட சம்பவம் அதிர்ச்சியை ஏற்படுத்தியுள்ளது.