150 + நிறுவனங்கள்… 1,000 + பணியிடங்கள்… திருவாரூரில் மாபெரும் வேலைவாய்ப்பு முகாம்! – மிஸ் பண்ணிடாதீங்க!

கலைஞர் நூற்றாண்டு விழாவையொட்டி மாநிலம் முழுவதும் 100 இடங்களில் வேலைவாய்ப்பு மற்றும் பயிற்சித்துறை வாயிலாக மாபெரும் தனியார்துறை வேலைவாய்ப்பு முகாம் நடத்த தீர்மானிக்கப்பட்டுள்ளதைத் தொடர்ந்து திருவாரூர் மாவட்டத்தில் மன்னை இராசகோபாலசாமி அரசினர் கலைக்கல்லூரியில் 07.10.2023 (அக்.7) சனிக்கிழமையன்று காலை 9 மணி முதல் மதியம் 3 மணி வரை மாபெரும் தனியார் துறை வேலைவாய்ப்பு முகாம் நடைபெற உள்ளது.

இம்முகாமில் கலந்து கொள்ள சென்னை, கோவை, திருச்சி உட்பட பெருநகரங்களில் இருந்தும், திருவாரூர் மாவட்டம் மற்றும் அருகிலுள்ள மாவட்டங்களிலிருந்தும் 150-க்கு மேற்பட்ட தனியார்துறை நிறுவனங்கள் மற்றும் திறன்பயிற்சியளிக்கும் நிறுவனங்களும் கலந்து கொண்டு தங்கள் நிறுவனத்தில் உள்ள காலி பணியிடங்களுக்காக 10,000-க்கு மேற்பட்ட தகுதிவாய்ந்த 18 முதல் 35 வயதிற்குட்பட்ட உட்பட படித்த வேலை தேடும் நபர்களை தேர்வு செய்ய உள்ளார்கள்.

இம்முகாமில், 8-ஆம் வகுப்பு முதல் பட்டப்படிப்பு வரை மற்றும் ஐ.டி.ஐ, டிப்ளமோ, நர்சிங், பார்மசி, பொறியியல் போன்ற படிப்புகளை படித்துள்ள மாணவ, மாணவிகள் தங்களுடைய பயோடேட்டா, அசல் மற்றும் நகல் கல்வி சான்றிதழ், ஆதார் அட்டை மற்றும் 2 பாஸ்போர்ட் சைஸ் போட்டோ ஆகியவற்றுடன் இந்த முகாமில் கலந்துகொண்டு பயன்பெறுமாறு கேட்டுக்கொள்ளப்படுகிறார்கள்.

மேலும், இம்முகாமில் மாற்றுத்திறனாளிகளுக்கான வேலைவாய்ப்புகள், அயல்நாட்டு வேலைவாய்ப்பு பெறுவதற்கான வழிகாட்டுதல்கள், மாவட்ட தொழில் மையம் மற்றும் தாட்கோ போன்றவை வாயிலாக வங்கிக்கடன் பெறுவதற்கான வழிகாட்டுதல்கள், மாதிரி மாவட்ட வேலைவாய்ப்பு அலுவலகம் வாயிலாக அரசு போட்டித்தேர்வுகளுக்கான வழிகாட்டுதல்களும் வழங்கப்படவுள்ளது.

Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.

மேலும் 04366-224226 என்ற எண்ணிணை தொடர்பு கொண்டு விவரங்கள் தெரிந்து கொள்ளலாம். எனவே படித்து முடித்து வேலை தேடிக்கொண்டிருக்கும் இளைஞர்கள் இந்த முகாமில் கலந்து கொண்டு பயனடையலாம் என மாவட்ட ஆட்சியர் சாருஸ்ரீ தெரிவித்துள்ளார்.