சேமிப்புத் திட்டங்கள் முதல் பத்திரப்பதிவு வரை… அக்டோபரில்

அக்டோபர் மாதம் தொடங்கி நான்கு நாள்கள் ஆகிவிட்டது. ‘பத்திர பதிவிற்கு இனி நிலத்தின் புகைப்படம் அவசியம், தெரியுமா?’, ‘சிறுசேமிப்புத் திட்டங்களில் ஆதாரை இணைத்துவிட்டீர்களா?’… இப்படி அக்டோபர் மாதத்தில் நோட் பண்ண வேண்டிய ஏகப்பட்ட விஷயங்கள் இருக்கின்றன.

அவை என்னென்னவென்று பார்க்கலாம், வாங்க…

• கடந்த செப்டம்பர் 30-ம் தேதியே ரூ.2000 நோட்டை மாற்ற கடைசி தேதி என்றிருந்த நிலையில், தற்போது அக்டோபர் 7-ம் தேதி வரை நீட்டிக்கப்பட்டுள்ளது.

• இந்த மாதம் தொடக்கத்திலிருந்து புதியதாக நிலம் வாங்கி பத்திரப்பதிவு செய்யும்போது, அந்த நிலத்தின் புகைப்படமும் பத்திரத்தோடு இடம்பெறுவது அவசியம்.

• வெளிநாட்டுக்கு செல்லும் இந்தியர்கள் டெபிட் கார்டு அல்லது ஃபாரக்ஸ் கார்டு (Forex card) பயன்படுத்தி ரூ.7 லட்சத்திற்கு மேல் செலவளித்தால் 2023-ம் ஆண்டு அக்டோபர் 1-ம் தேதி முதல் 20 சதவீத டி.டி.எஸ் வரி பிடித்தம்.

• இந்தியாவில் எந்தவொரு அங்கீகரிக்கப்பட்ட நிதி நிறுவனத்திலாவது ரூ.7 லட்சத்திற்கு மேல் கடன் வாங்கி வெளிநாட்டில் படிப்பவர்களுக்கு 0.5 சதவீத வரி. ஒருவேளை எந்தவொரு அங்கீகரிக்கப்பட்ட நிதி நிறுவனத்திலும் கடன் வாங்காமல் ரூ.7 லட்சத்திற்கு மேல் செலவு செய்து படிப்பவர்களுக்கு 5 சதவீத டி.டி.எஸ் வரி பிடித்தம்.

• இந்த மாதத்தின் தொடக்கம் முதல், ரூ.7 லட்சத்திற்கு மேல் செலவளித்து வெளிநாட்டில் ஏதாவது மருத்துவ சிகிச்சை மேற்கொண்டால் 5 சதவீத டி.டி.எஸ் வரி பிடித்தம்.

• பொது வருங்கால வைப்பு நிதி, சுகன்யா சம்ரிதி யோஜனா, தபால் நிலைய வைப்பு கணக்கு, சிறுசேமிப்பு ஆகிய திட்டங்களில் ஆதாரை கட்டாயம் இணைக்க வேண்டும்.

• அரசு வேலை, டிரைவிங் லைசன்ஸ், வாக்காளர் அட்டை, திருமண பதிவு, பள்ளி மற்றும் கல்லூரியில் சேருவதற்கு இனி பிறப்பு சான்றிதழ் கட்டாயம்.