பிக்பாஸ் நிகழ்ச்சியின் 7-வது சீசனில் காதலுக்கு பஞ்சமில்லை என்று தான் சொல்ல வேண்டும். தற்போது வரை அங்கு ஐஷு – நிக்சன், ரவீனா – மணி, பூர்ணிமா – சரவண விக்ரம் என மூன்று காதல் ஜோடிகள் உலா வந்து கொண்டிருக்கின்றன. இதில் முதல் 2 வாரம் ரவீனா – மணி இடையேயான லவ் டிராக் பரபரப்பாக பேசப்பட்டு வந்தது. ஆனால், அடுத்தடுத்த வாரங்களில் ஐஷூவும், நிக்சனும் அவர்களை ஓவர்டேக் செய்துவிட்டனர்.
ஆரம்பத்தில் நிக்சன் தனக்கு தம்பி மாதிரி என கூறி வந்த ஐஷூ, போகப்போக டிராக் மாறினார். ஐஷூ தான் காதலிப்பதை இதுவரை வெளியில் காட்டிக்கொள்ளவில்லை. ஆனால், நிக்சன் தீவிரமாக காதலித்து வருகிறார். ஐஷூ தன் காதலை வெளிப்படுத்தாததற்கு காரணம், அவருக்கு ஏற்கனவே வெளியில் ஒரு காதலன் இருக்கிறாராம். இதை மணியிடம் ஓப்பனாகவே கூறிவிட்டார் ஐஷூ.
இதனைப் பார்த்த நெட்டிசன்கள் அப்போ பிக்பாஸில் கண்டெண்ட்டுக்காக அவர் காதலித்து வருவதாக சாடி வருகின்றனர். நாளுக்கு நாள் ஐஷூ – நிக்சன் இடையேயான நெருக்கம் அதிகமாகி வருகிறது. கடந்த சில தினங்களுக்கு முன்னர் இருவரும் கண்ணாடி அருகே அமர்ந்து முத்தமிட்டுக்கொண்ட வீடியோ வெளியாகி வைரலான நிலையில், தற்போது அந்த ஜோடியின் மேலும் ஒரு வீடியோ வைரலாகி வருகிறது.
அந்த வீடியோவில் ஐஷூவின் புருவம், கண்ணம் ஆகியவற்றை தடவும் நிக்சன், உன் உதடு, மூக்கு என அனைத்து அழகாக இருப்பதாக வர்ணித்து பேசுகிறார். இதனைப் பார்த்த நெட்டிசன்கள் இவன் என்ன கொஞ்சம் கொஞ்சமா அசல் கோளாறாக மாறிக்கிட்டு வர்றான் என வறுத்தெடுத்து வருகின்றனர். பிக்பாஸ் நிகழ்ச்சியின் கடந்த சீசனில் அசல் கோளாறு அங்குள்ள பெண் போட்டியாளர்களிடம் சில்மிஷம் செய்து சர்ச்சையில் சிக்கியது குறிப்பிடத்தக்கது.
நன்றி
Publisher: 1newsnation.com