HBD Sandilyan: பாஷ்யம் ஐயங்கார் சாண்டில்யன் ஆன கதை!

கல்லூரிப் படிப்பை முடித்த பிறகு 1930களில் தி.நகருக்குச் சென்றார். அங்கு வி.சுவாமிநாதசர்மாவுடன் நட்பு ஏற்பட்டது. வி.சுவாமிநாத சர்மா நவசக்தியில் பணிபுரிந்துவந்தார். அவர்களின் ஊக்கத்தால் சாந்த சீலன் என்ற தலைப்பில் தனது முதல் சிறுகதையை எழுதினார். இவரது படைப்புகளால் ஈர்க்கப்பட்ட கல்கி, ஆனந்த விகடனில் கண்ணம்மாவின் காதல், அதிர்ஷ்டம் போன்ற சிறுகதைகளை வெளியிட்டார். இந்த வெற்றியால் உற்சாகமடைந்த சாண்டில்யன், திருக்கண்ணபுரம் ஸ்ரீனிவாச்சாரியார் என்ற தமிழ் பண்டிதரிடம் முறையாக தமிழ் மொழியைக் கற்கத் தொடங்கினார். சுதேசமித்திரன் என்ற தமிழ் வார இதழில் தமிழ் சிறுகதைகள் எழுதத் தொடங்கிய அவர், 1935 முதல் 1942 வரை சுதேசமித்திரனில் நிருபராகவும் பணியாற்றினார். பின்னர் ஹிந்துஸ்தான் டைம்ஸ் ஆங்கில நாளிதழில் உதவி ஆசிரியர் ஆனார்.