இரவில் சிலர் அடிக்கடி சிறுநீர் கழிப்பது ஏன்? சரி செய்வது எப்படி?

ஒரு நண்பரின் வயதான பெற்றோர் அவர்கள் நன்றாகத் தூங்குவதில்லை என்று கூறுகிறார்கள்.

இரவில் அவர்கள் கழிவறைக்குச் செல்ல பல முறை எழுகிறார்கள். அதனால் காலையில் மிகவும் சோர்வாக உணர்கிறார்கள்.

உண்மையில் இது பரவலான ஒரு பிரச்னை. இதன் பெயர்: adult nocturia, வயதானோர்க்கு வரும் நாக்டூரியா.

மலம் மற்றும் சிறுநீரை அடக்குவது குறித்த சர்வதேச குழுவின் (International Continence Society) கூற்றுப்படி, இந்தப் பிரச்னை இருப்பவர்களுக்கு, இரவில் குறைந்தது இரண்டு முறை சிறுநீர் கழிக்க எழுந்திருக்க வேண்டிய அவசியம் ஏற்படுகிறது.

தூக்கம் மற்றும் வாழ்க்கை தரத்தைப் பாதிக்கும் இந்தப் பிரச்னை, வயதானவர்களுக்கு அதிகமாக வருகிறது. 70 வயதிற்கு மேற்பட்ட ஐந்து பேரில் மூன்று பேர் இதனால் பாதிக்கப்படுவதாக மதிப்பிடப்பட்டுள்ளது.

இருப்பினும் இது இளைஞர்களுக்கும் ஏற்படலாம். இது ஆண்களையும் பெண்களையும் சமமாகப் பாதிக்கிறது.

நாக்டூரியாவுக்கு இரண்டு காரணங்கள் இருக்கலாம்.

சிறுநீர்ப்பை என்பது 300மில்லி முதல் 600 மில்லி வரை கொள்திறன் கொண்ட ஓர் உடலுறுப்பு. இதன் கொள்திறன் இரண்டு காரணங்களால் குறையலாம்.

பாலியூரியா: ஆண்டிடியூரிடிக் ஹார்மோனின் (antidiuretic hormone) செயல்பாட்டின் காரணமாக இரவு சிறுநீர் உற்பத்தி பொதுவாக குறைகிறது. ஆனால் நாம் வயதாகும்போது, இரவில் இந்த ஹார்மோனின் வெளியீடு குறைகிறது. இது இந்தப் பிரச்னைக்கான முக்கியக் காரணங்களில் ஒன்று.

இருப்பினும் பல்வேறு நோய்கள் இதைத் தூண்டலாம். உதாரணமாக, நீரிழிவு நோய், சிரைப் பற்றாக்குறை, இதயச் செயலிழப்பு, தமனி உயர் ரத்த அழுத்தம் போன்றவை.

மேலும், மாலையில் அதிகமாக திரவ உணவுகளை உட்கொள்ளல் மற்றும் காபி, மது, புகையிலை போன்றவற்றின் பயன்பாடும் இதற்குக் காரணமாக இருக்கலாம்.

கூடுதலாக, மருந்துகளின் பக்க விளைவுகள் சிறுநீர் உற்பத்தியை அதிகரிக்கலாம் அல்லது சிறுநீர்ப்பை செயல்பாட்டை மாற்றலாம்.

இந்த பாதிப்பை ஏற்படுத்தும் பொதுவான மருந்துகள்:

இந்த மருந்துகளை உட்கொள்ளும் எல்லோருக்கும் நாக்டூரியா பக்க விளைவாக வராது என்பதைக் கவனத்தில் கொள்ள வேண்டும்.

யாராவது தங்களுக்கு இந்த விளைவு இருப்பதாக சந்தேகித்தாலோ அல்லது சொல்லப்பட்ட அறிகுறியைப் பற்றி கவலைப்பட்டாலோ, அவர்கள் தங்கள் மருத்துவரை அணுகுவது முக்கியம். இந்த மருந்துகளுக்கு அவர்கள் மாற்று மருந்துகளை வழங்கலாம் அல்லது சிகிச்சையை சரிசெய்யலாம்.

நாக்டூரியா மேலாண்மை தனிப்பட்ட நபர்களைப் பொறுத்து மாறுபடும், ஏனெனில் இதற்குப் பல காரணிகள் உள்ளன.

சுருக்கமாக, வயதானவர்களுக்கு நாக்டூரியா மிகவும் பொதுவானது என்றாலும், அது தூக்கத்தையும் அதன் விளைவாக வாழ்க்கைத் தரத்தையும் பாதிக்கிறது.

இதற்காக மருத்துவர்களைக் கலந்தாலோசிப்பது நல்லது. அவர்கள் உங்களைப் பரிசோதிப்பார்கள். உங்கள் வாழ்க்கை முறை, பழக்க வழக்கங்கள், நீங்கள் உட்கொள்ளும் மருந்துகள் மற்றும் பிற நோய்க்குறிகள் வரை அனைத்தையும் ஆய்வு செய்வார்கள்.

சமூக ஊடகங்களில் பிபிசி தமிழ்: