ஐ.என்.எஸ்.மித்ரா: சோமாலிய கடல் கொள்ளையரிடமிருந்த 19 பாகிஸ்தானியர்களை இந்தியக் கப்பல் மீட்டது எப்படி?

பாகிஸ்தானை சேர்ந்த 19 பணயகைதிகளை சோமாலிய கடற்கொள்ளையர்களிடமிருந்து இந்திய போர்க்கப்பல் ஐ என் எஸ் மித்ரா மீட்டது.

கடந்த 24 மணி நேரங்களில் இந்திய போர்க்கப்பல் இரண்டு மீட்பு நடவடிக்கைகளை மேற்கொண்டுள்ளது. கடற்கொள்ளையர்களின் நடவடிக்கைகளை தடுக்க சோமாலியா மற்றும் ஏடன் வளைகுடாவில் ஐ என் எஸ் மித்ரா நிலைநிறுத்தப்பட்டுள்ளது.

இரானை சேர்ந்த மீன்பிடி படகுகளை சோமாலிய கடற்கொள்ளையர்கள் சிறைபிடித்திருந்த தகவல் தெரிந்தவுடன் ஐ என் எஸ் மித்ரா மீட்டுள்ளது. மீண்டும் மற்றொரு மீன்பிடி படகை பிடித்து வைத்திருப்பதாக தகவல் கிடைத்தது. கொச்சியிலிருந்து 850 நாடிகல் மைல் தொலைவில் இருந்த படகை மீட்டது ஐ என் எஸ் மித்ரா. சோமாலியா கடற்கொள்ளையர்கள் 11 பேரால் பணயக்கைதிகளாக சிறை வைக்கப்பட்டிருந்த 19 பாகிஸ்தானியர்களையும் படகையும் மீட்டது இந்திய போர்க்கப்பல்.

மீன்பிடி படகுகளை பிடித்து பின்பு அதைகொண்டு சரக்கு கப்பல்களை கொள்ளையடிக்கும் திட்டம் இதனால் முறியடிக்கப்பட்டதாக இந்திய கடற்படை தெரிவித்துள்ளது.