பாஜக ஊழல் பற்றி பேசிய முதல்வர் ஸ்டாலின்…! திருப்பி பதிலடி கொடுத்த அண்ணாமலை…!

திருவாரூர் மாவட்டம் பவித்ரமாணிக்கத்தில் நடைபெற்ற நாகப்பட்டினம் எம்.பி., இந்திய கம்யூனிஸ்ட் கட்சியின் எம்.செல்வராஜின் மகள் திருமண விழாவில் பேசிய முதல்வர் ஸ்டாலின், ஊழல் குறித்து பேசும் தார்மீக உரிமை பிரதமருக்கு இல்லை என்று கூறினார். மத்திய பாஜக அரசின் ஊழல் செயல்களை சிஏஜி அறிக்கை அம்பலப்படுத்தியுள்ளது என கூறினார் ‌

பாஜக தமிழக தலைவர் கே.அண்ணாமலை முதல்வர் ஸ்டாலின் மத்திய அரசின் திட்டங்களில் முறைகேடுகள் நடந்ததாகக் கூறப்படும் ஊழல் குறித்துப் பேச பிரதமர் நரேந்திர மோடிக்கு தார்மீக உரிமை இல்லை என்று ஸ்டாலின் தனது அறிக்கையில் குறிப்பிட்டுள்ளார்.

இது குறித்து அண்ணாமலை வெளியிட்டுள்ள அறிக்கையில், சிஏஜி அறிக்கையில் நெடுஞ்சாலைகள் கட்டுமானத்தில் ஏற்படும் செலவு அதிகரிப்பு பற்றி மட்டுமே குறிப்பிடப்பட்டுள்ளது என்றும், ஊழல் குறித்து குறிப்பிடப்படவில்லை என்றும் கூறினார். மத்திய அமைச்சர் நிதின் கட்கரி, இடுபொருள் கொள்முதல் செய்வதில் உள்ள தடைகளால் தமிழகத்தில் சாலைத் திட்டங்கள் தாமதமாகி வருவதாகவும், பொருட்களின் விலை உயர்வைக் கட்டுப்படுத்த மாநில அரசுக்கு கோரிக்கை விடுத்துள்ளதாகவும் தெரிவித்தார்.

சுங்கச்சாவடிகளில் கட்டணம் வசூலிப்பதில் எப்படி ஊழல் நடக்கிறது என்பதை ஸ்டாலின் விளக்க வேண்டும். மாநகராட்சி பூங்காக்களில் நிகழ்ச்சிகள் நடத்துவதற்காக, சென்னை மாநகராட்சி ஆணையரிடம் திமுக கவுன்சிலர்கள் மற்றும் எம்எல்ஏக்கள் பணம் கேட்பதாகக் கூறிய அவர், “டோல் பிளாசாக்களிலும் பணம் வசூலிக்கிறார்களா?” என கேள்வி எழுப்பி உள்ளார்.

ஆயுஷ்மான் பாரத் திட்டம், பயனாளிகள் தொலைபேசி எண்ணுடன் இணைக்கப்படுவதை உறுதிசெய்யும் வகையில், தொழில்நுட்பத்தை மேம்படுத்தியுள்ளது. இத்திட்டத்தின் கீழ் போலி கணக்குகளை சரி செய்ய வேண்டிய பொறுப்பு மாநில அரசுகளிடம் உள்ளது. 2ஜி ஊழல் தொடர்பான சிஏஜி அறிக்கையை மக்கள் மறந்துவிடவில்லை. இதில் குற்றம் சாட்டப்பட்டவர்கள் அனைவரும் விசாரணை நீதிமன்றத்தால் விடுவிக்கப்பட்டனர் என்றார்.