வெங்கடேஷின் ‘சைந்தவ்’ படத்தில் ஆர்யா – தோற்றம் வெளியீடு

வெங்கடேஷ் நடிக்கும் தெலுங்கு படமான ‘சைந்தவ்’ படத்தில் நடிகர் ஆர்யா இணைந்துள்ளதாக படக்குழு அதிகாரபூர்வமாக அறிவித்துள்ளது. அத்துடன் அவரின் கதாபாத்திர தோற்றத்தையும் படக்குழு வெளியிட்டுள்ளது.

தெலுங்கில் ‘ஹிட்’ பட சீரிஸ்களை இயக்கியவர் சைலேஷ் கொலனு (Sailesh Kolanu). இவர் அடுத்ததாக ஹிட் கொடுக்க முயன்று தற்போது இயக்கிவரும் திரைப்படம் ‘சைந்தவ்’. தெலுங்கில் தயாராகி பான் இந்தியா முறையில் வெளியாக உள்ள இப்படத்தின் முதன்மை கதாபாத்திரத்தில் வெங்கடேஷ் நடிக்கிறார். நவாசுதீன் சித்திக், ஆன்ட்ரியா, ஷ்ரத்தா ஸ்ரீநாத் ஆகியோர் முக்கிய கதாபாத்திரங்களில் நடிக்கின்றனர். படத்துக்கு சந்தோஷ் நாராயணன் இசையமைக்கிறார். படம் டிசம்பர் 22-ஆம் தேதி திரையரங்குகளில் வெளியாகிறது.