சென்னையில் ஷாருக்கான் – ‘ஜவான்’ இசை வெளியீட்டு நிகழ்வில் பிரபலங்கள் பங்கேற்பு

சென்னை: ‘ஜவான்’ படத்தின் இசை வெளியீட்டு விழாவுக்காக நடிகர் ஷாருக்கான் சென்னைக்கு வருகை தந்துள்ளார். இந்த விழாவில் நடிகர் விஜய் கலந்துகொள்ளலாம் என கூறப்படுகிறது.

அட்லீ இயக்கத்தில் ஷாருக்கான் நடித்துள்ள படம், ‘ஜவான்’. நயன்தாரா, விஜய் சேதுபதி உட்பட பலர் நடித்துள்ள இந்தப் படத்துக்கு அனிருத் இசை அமைத்துள்ளார். தமிழ், தெலுங்கு, இந்தி ஆகிய மொழிகளில் இப்படம் செப்.7-ம் தேதி வெளியாகிறது. படத்தின் மூன்று பாடல்கள் வெளியாகி ரசிகர்களிடையே வரவேற்பைப் பெற்றன. மும்பையில் ஒரு சில இடங்களில் இப்படத்துக்கான புக்கிங் திறக்கப்பட்ட 15 நிமிடங்களில் அனைத்து டிக்கெட்டுகளும் விற்றுத் தீர்ந்துவிட்டதாக தகவல் வெளியானது.